EGITASMOA

HIK HASI pedagogia elkartearen ekimenez 2010ean argitaratu zen Joseba Sarrionaindiaren Idazlea zeu zara, irakurtzen duzulako ipuin liburua. Inplikazioz beteriko ipuin laburrez osatuta dago liburua, pentsamendu autonomoa, dibergentea eta kritikoa ahalbidetzen duten proposamen literarioz betetako narrazioak guztiak ere. Denak ere interes pedagogiko handikoak.

ARTEDRAMA eta DEJABU PANPIN LABORATEGIA antzerki konpainiek elkarlanean testu horietan oinarritutako lana sortu dute.

Antzezlanaren helburua

Proposamen didaktikoa lan tresna gisa erabiltzeko aukera izateaz gain, ipuin kontaketa baten bidez, ipuinen lanketa sakonagoa egitea da xede nagusia.

Bertan lantzen diren gaiak –”Elkarrekin bizitzen ikasi”, “Komunikatzen ikasi”, “Pentsatzen ikasi” eta batez ere “Norbera izaten ikasi”-haurrei antzerkiaren bidez modu zuzenagoan hausnartzeko aukera ematea. Haurrekin antzerkia, ipuingintza eta irakur-zaletasuna lantzeak berez izan lezakeen berezko interesarekin batera.

Datu zehatz eta praktikoak

• IZENBURUA: Idazlea zeu zara, irakurtzen duzulako.
• LAN MOTA: 6 urtetik 12 urte bitarteko haurrei zuzendutako ipuin kontaketa dramatizatua.
• IRAUPENA: 45-50 minutu.
• NON EGITEKO: Egitasmoaren izaera dela eta, garrantzia handia du guretzat espazioak, eta haurrentzat ezaguna den espazio batean gauzatzeak. Eskola, eremu egokiena da beraz. Herriko liburutegia ere egokia izan daiteke.
• PRESTAKUNTZA: Egokiena lehenago edo ondoren ipuinak lantzea da (horretarako Hik Hasik argitaratutako proposamen didaktikoa kontsulta daiteke).

Ikuskizuna, adin tartearen arabera

Bi ikuskizun ezberdin prestatu dira, bi adin tartetan banatuta:

• 1. Lehen Hezkuntzako LH 1, LH 2 eta LH 3ko haurrei zuzenduta.
• 2. Lehen hezkuntzako LH 4, LH 5 eta LH 6ko haurrentzat.

Adin tarte ezberdinentzat egokiagoak diren ipuinekin osatu da ikuskizun bakoitza.Kontaketa bakoitzen bi aktorek hartuko dute parte.

Aktoreak

• ANDER LIPUS
• MIREN TIRAPU
• URKO REDONDO
• AINARA GURRUTXAGA